Sare hasi da larunbatean herrietan egingo dituen mobilizazioetarako atxikimenduak biltzen eta argitaratzen. Osasun egoera dela eta, bertan behera utzi zuten Bilbon euskal presoen eskubideen alde egitekoa zuten urtarrilaren 8ko urteroko manifestazio jendetsua, eta, horren partez, herrietan egingo dituzte mobilizazioak.
Protestari bideo bidez atxikimendua erakutsi dioten lehenengoetako bat Carles Puigdemont izan da, Kataluniako presidente ohia.
ATXIKIMENDUAK
— Sare #IzanBidea ↗︠(@sare_herritarra) January 3, 2022
🗣ï¸Â@KRLS (Kataluniako Generalitateko presidentea)
"...Para poder hablar de esta reconciliación, para poder hablar de la necesaria normalización de la vida política y social en Euskal Herria. Muchísimas gracias."
elkarbizitzarako · bakerako · etxerako #Bidean pic.twitter.com/6ZF0xdU1cL
Lehenik eta behin, Puigdemontek eskerrak eman ditu «batzuek ikusezin mantendu nahiko luketena ikusgarri egiteko» balio duen mobilizaziora gonbidatzeagatik: «Oinarrizko giza eskubideak urratzen zaizkie, arrazoi bategatik edo besteagatik, kalean, zigor malguagoekin edo etxetik gertu egon beharko luketen pertsonei», adierazi du Puigdemontek. «Oinarrizko giza eskubideen urraketak dira horiek, eta gizarte zintzo batek ez lituzke onartu beharko».
Jarraian, eskerrak eman dizkio Sareri. Batetik, euskal presoen egoera ikusgarri egiten duelako; eta, bestetik, «horrenbeste ahots plural» biltzeagatik «giza eskubideen aldeko» mezu baten baitan.
Aipatu du Espainian, zoritxarrez, etengabea dela errepresioa, eta horrek ez duela zerikusirik justiziarekin: «Ez du zerikusirik Europarentzat nahi dugun askatasun demokratikoarekin, herrietatik eraiki nahi dugun Europarekin».
Azkenik, behar den guztietan laguntzeko prest agertu da Puigdemont: «Espero dut 2022an erabat normalizatuko dela Euskal Herriko egoera politiko eta soziala», amaitu du.
