Atzo hil zen Ramon Sagarzazu Olazagirre oiartzuarra (Gipuzkoa), 90 urterekin. Urte askotan ezker abertzaleko militantea izan zen.
1936an jaio zen, Bilbon, eta Oiartzun hartu zuen bizitoki. 1971n, Ipar Euskal Herrira alde egin behar izan zuen, ETAk egindako zenbait lapurretaren ostean. Deportatu egin zuten, eta Aljerian, Cabo Verden eta Kuban egon zen.
1996an, Ipar Euskal Herrira itzuli zen, Karlos Ibargurenekin batera, Euskal Nortasun Agiria (ENA) agiri bakartzat hartuta.
Espainiako Auzitegi Nazionalaren aginduz, atxilotu egin zuten 2007. urtean, 1993an iraultza zerga kobratzea egotzita, baina aske utzi zuten jarraian.
Azken urte hauetan ere jomugan egon da Sagarzazu. Haren kontrako zenbait auzi abiatu ditu Auzitegi Nazionalak, ETAko buruzagi izandakotzat dituen beste zenbait pertsonarekin batera.
