Raquel Gonzalez aukeratu dute Bizkaiko PPko buru

BILBO. Raquel Gonzalez Bizkaiko PPko presidente izendatu zuten atzo, alderdiaren ezohiko batzarrean parte hartzaileen %79ren babesa jaso ondoren. Harena zen hautagaitza bakarra, Luis Egiluz kritikoak ez baitzuen nahikoa babes lortu lehen bozketan, orain ia bi aste. Gonzalezen hitzetan, «oxigenoa» eman nahi die «nazionalismoak inguratuta» dauden herritarrei.