RENE CASSIN SARIA HAIDARRENTZAT

Aminatu Haidar ekintzaile sahararrari (Aaiun, 1967) Rene Cassin saria eman zion atzo Eusko Jaurlaritzak, Gasteizen. Idoia Mendia bozeramailearen eskutik jaso zuen saria Haidarrek. Giza eskubideak sustatzeko, defendatzeko eta zabaltzeko konpromisoa hartzen duten pertsonen lana aitortzen du Rene Cassin sariak; Haidarrek urteak daramatza giza eskubideen alde lanean Mendebaldeko Saharan. Borroka horregatik behin baino gehiagotan preso ere egon da.