Ruiz de Eginok eta Alavak ikertu gisa deklaratuko dute

GASTEIZ. Gasteizko 3. instrukzio epaitegiko magistratuakIker Ruiz de Egino EAko eleduna eta Mariano Alava Antolamendu idazkaria ikertu gisa deklaratzera deitu ditu urtarrilaren 19rako. Sektore kritikoak bidalitako oharraren arabera, dokumentuak faltsutu eta nortasuna ordezkatu izanaren zantzuak antzeman ditu epaileak. Uztailaren 15ean Gasteizko lehen auzialdiko epaitegiak arrazoi eman zion Eba Blancori, eta, horretarako, Alavak sinatutako ziurtagiri bat funtsezkoa izan zen. Orain ikertu nahi dute ea datu basea modu desegokian erabili izana ezkutatu ote zen eta zuzendaritzaren akta bat faltsutu ote zen.