Saharako haurrak «aurki» etorriko direla adierazi dute

HERRIA ETA GAIA. Afanis Saharako haurrei harrera egiten dien Gasteizko elkarteak adierazi du pasaportearekin arazoa izan duten 200 haur sahararrak «aurki» izango direla Euskal Herrian. Ekainaren 23an eta 24n etortzekoak ziren hiru hegazkinetatik bi besterik ez ziren etorri; bata 153 haurrekin eta bestea 48rekin. Falta diren umeak datorren astean etor litezkeela adierazi dute Afaniseko ordezkariek.