Giza katea osatuz inguratu dute Gasteizko San Frantzisko eliza. Ekintza horren bidez, hiriko apezpikutzari eskatu diote eliza "memoriari eta giza eskubideei eskainitako zentro" bihurtzeko.
Memoria Gara elkarteak adierazi du 1976ko martxoaren 3a iltzatuta dagoela Gasteizko memorian, eta, San Frantzisko eliza "gertakari tragiko" haien lekuko izan zenez, "sarraskiaren biktimen memoria" biltzeko bideratu beharko litzatekeela. Zentroak "bestelako memoria eta giza eskubide politikak" bultzatzeko balio behar duela gaineratu dute.
Elkarteak salatu duenez, Juan Carlos Elizalde Gasteizko apezpikuak ez du haiekin bildu nahi izan. Hala ere, ohartarazi dute ez dutela amore emango "bidezkoa den eta gizartean babes zabala duen aldarrikapenarekin".
