Maitasun eskutitz bat zuen gordea lekukoak. Zazpi gazte, Euskal Herriko zazpi lurraldeetakoak; horixe AEKren hautua 24. Korrikako mezua ontzeko. Euskara bada. Eta izango da. Euskara dira. Eta izango dira: «Etorkizuna gurea da, baina orain ere hemen gara». Korrikaren zurrunbiloa igarota, BERRIAk berriz elkartu ditu mezu hura idatzi zuten zazpi gazteak: Elene Mengyu Larrinaga, Xalbat Alzugarai, Oihana Arana, Beñat Jusue, Oier Iñurrieta, Leire Casamajou eta Aitzol Gil de San Vicente.
Ikusi gehiago
Haien sorlekuetan ere izan da BERRIA, nortzuk diren hobeki jakiteko. Korrika amaituta, zenbait adierazpenek jomugan jarri zituzten, haien militantzia eta konpromisoa kritikatu baitzuten, eta horiek entzunda nola sentitu ziren ere kontatu dute dokumentalean.
