Sindikatuak «ahultzeko» estrategiez ohartarazi du Jauregik

Datorren legegintzaldirako, «ezkerreko alderdi eta sindikatuen» arteko bat egite zabala proposatu du Ramon Jauregik, PSE-EEko hautagaiak. UGT eta CCOO sindikatuetako kideekin Gasteizen eginiko bilera batean, Jauregik salatu du «Europako eskuinak»estrategia bat garatu duela sindikatuak «ahultzeko», hartara «politika antisozialak» aurrera atera ahal izateko, eta ohartarazi du «arriskuan» egon daitekeela sindikatuen beren etorkizuna ere. Horren harira, Europako ezkerreko alderdi eta sindikatuen artean «lan kontrarreforma bat» adostea proposatu du.