Sindikatuek esan dute Osakidetzak oposizioetako azterketen inguruan hartutako erabakia ez dela nahikoa, eta «iruzurtzat» eta «surrealistatzat»hartu dute. ESK-k, ELAk, LABek eta UGTk adierazi dute motz geratu dela azterketak hiru espezialitatetan soilik errepikatzeko neurria, hemeretzi espezialitatetan antzeman baitituzte irregulartasun zantzuak.
Maria Jesus Mugika Osakidetzako zuzendariak herenegun azaldu zuen anestesiako, kardiologiako eta angiologiako azterketak berriro eginaraziko dituztela, baina sindikatuek «onartezintzat» jo dute hori. Osakidetzari leporatu diote oposizioetan egondako «akatsak» benetan «filtrazioak» direla ez aitortu izana.
Marta Macho anestesista ere kritiko azaldu da. Beste hainbat medikurekin batera, jendaurrean salatu zituen Machok oposizioetako irregulartasun zantzuak; haren ustez, «akatsa» ereduan dago, ez azterketetan. Machorekin batera salaketa plazaratu zuten medikuek esan dute «sistema osoa zalantzan» dagoela, eta egoerak ezin duela horrela jarraitu.
Sindikatuentzat ez da nahikoa Osakidetzako azterketak berriz antolatzea
Iruzkinak
Ez dago iruzkinik
Ordenatu