Subiranistek bat egiteko "behingoz, zehaztapenak" eskatu ditu EAk

Pello Urizar EAko idazkari nagusiak azaldu du bere alderdiak "indar politiko eta sozial subiranisten batzea" lortzeko asmoz pausoa emana duela, azaroaren 21ean aurkeztu zuelako txostena jendaurrean, ezker abertzaleak ere agiriak aurkeztu dituela, eta orain beste eragile sozial, sindikal eta politiko batzuen "zain" dagoela EA, "behingoz, zehaztapenetan sartzeko". Hala esan du gaur Euskadi Irratian egin dioten elkarrizketan.

Donostian aurkeztu zuen txostena EAk, eta "subiranismo independentistaren bilgune estrategikoa" eratzea proposatu zuen.

Urizarrek ETAri eskatu dio "politika, politikarien esku uzteko, armak lagatzeko eta kontu teknikoetan soilik sartzeko eskua". Haren arabera, beste eragileren batek ez badu "soilik bide politikoen alde egiten", EA eragile horrekin ez da lankidetzan ariko.