Teresa del Valle antropologoak jaso du Eusko Ikaskuntza-Laboral Kutxa saria

DONOSTIA. Teresa del Valle antropologoari Eusko Ikaskuntza-Laboral Kutxa saria eman zioten atzo, erreferente izan delako euskal antropologian ikuspegi feminista txertatzen. Iñaki Dorronsoro Eusko Ikaskuntzako lehendakariak eta Txomin Garcia Laboral Kutxakoak eman zioten saria, Donostiako udaletxean egin zen ekitaldian. Goratu egin zuten haren lanak Euskal Herriko kultura garatzen lagundu duela.