«Ez dezatela zalantzarik izan». Maria Txibite Nafarroako Gobernuko lehendakariak Nafarroa erdialdeko alkateekin bilera izan du, eta amaitutakoan, komunikabideei helarazi die, oraingoz ez duela neurri gogorragoak hartzeko asmori. «Dena den, egoerak eskatuko balu, egingo genuke». Edukieren inguruko neurriak edo bestelakoak lirateke. Txibitek aitortu du epaileek «izaera orokorreko neurriak atzera botatzeko arriskua» dagoela.
Horregatik, egoera epidemiologikoak eskatzen duen tokietan, bertako udalek gogorrago esku hartu dezakeela deritzo. Txibitek dei egin die alkateei ausart jokatzera eta ez dezatela beldurrik izan, behar izanez gero neurria hartzera, gobernuak berak baino zorrotzago esku hartzeko aukera dutelako. «Gu laguntzeko gaude, arauen babesa dute, osasun arloko agintaritza badute»
