Angel Otaegi eta Juan Paredes Txiki daude "jatorri politikoko indarkeriaren" biktima gisara aitortutako lehenengoen artean. Haien kasuan, batzordeak aitortu du biktimak izan zirela, heriotza zigorrera kondenatu zituen gerra kontseiluak epaiketa justu bat izateko eskubidea urratu zuelako.
Beste seiri ere biktima izaera aitortu die batzordeak: polizia operazio banatan poliziek tiro eginda hil ziren bi laguni; manifestazio batean poliziak tiro egin eta etxeko balkoian zegoela hildako gizon bati; kontzertu baten ondoren guardia zibil batekin eztabaidan hasi eta hark tiroz hildako musikari bati; poliziek alkohol kopuru handia eta errizino olioa edanarazi zioten gizon bati; eta 1977an amnistia eskatzen zuen elkarretaratze batean larri zauritutako emakume bati.
Beste hiru eskariri ezezkoa eman dio batzordeak.
