Txus Martin euskal presoa aske, hogei urtez zigorra beteta

BASAURI. Txus Martin euskal preso basauriarra aske geratu da, Etxerat-ek jakinarazi duenez. Eritasun larriak dituzten presoen zerrendan zegoen, eta azkenaldian etxean bete du zigorra. 2002an atxilotu zuten, Frantzian, eta zortzi urtez izan zuten han preso. Haietako zortzi urtetik bost, bakartuta. Espainiaren esku utzi zuten gero, eta kartzelatu egin zuten 2010eko urrian. Atzotik aske da.