UEUren 46. ikastaroen hasieran omendu dute Jose Ramon Etxebarria zientzialaria

GASTEIZ. UEU Udako Euskal Unibertsitatearen 46. ikastaroak hastearen harira, Euskara batuaren helduaroa saioa egin zuten atzo Gasteizen. Omenaldia jaso zuen bertan Jose Ramon Etxebarria zientzialariak —fisikaria, euskarazko zientziaren dibulgazioan aitzindaria—. Haren jardunaren berri ematen duen liburu bat ere aurkeztu zuten: Bai, jauna, bai: fisika euskaraz! Etxebarria euskarazko unibertsitatea eraikitzen «hargin eta arkitekto» izan dela nabarmendu dute egileek.