Urrutikoetxearen askatasun galdeaz, gaur ebazpena

Frantziako Kasazio Auzitegiak gaur emango du Josu Urrutikoetxea euskal presoa baldintzapean aske uzteko eskaerari buruzko erabakiaren berri. Dei Auzitegiak irailaren 11n atzera bota zuen haren abokatuen eskaera, eta Kasazio Auzitegira jo zuen defentsak. Aurtengo maiatzean atxilotu zuten Urrutikoetxea, Frantziako Alpeetan. Ekainean Dei Auzitegiak baldintzapean aske uztea erabaki zuen, baina preso segitu zuen Espainiaren eskaera bat zela eta. Madrilen bi euroagindu eta beste bi estradizio eskaera ditu, eta, horrez gain, Frantzia bi epaiketa egitekoa da.