Atzo zendu zen Xabier Manterola Hendaia Biltzen-eko hautetsia eta mugimendu abertzaleko militantea, ezustean. Hendaiako (Lapurdi) elkartegintzan lan handia egindakoa zen; besteak beste, Akelarre dantza taldean.
Urte luzez Uda Leku elkarteko langile izateaz gain, 1980ko hamarkadan Iparretarrak talde armatuko kide izan zen, eta 1985. urtean GALek bonba bat jarri zion autoan. Bizirik irten zen atentatu hartatik.
Hendaia Biltzen,eko kideek sare sozialetan agurtu dute Manterola: «Agur eta ohore, Xabier laguna eta militantea. Izar berri bat piztu da Hendaiako eta Euskal Herriko zeru gainean».
