Ein egingou lelopean ari da egiten gaur Udalerri Euskaldunen Mankomunitatea (Uema) bere eguna, Mallabian. Besteak beste, Uema euskararen normalizaziorako tresna baliagarria dela aldarrikatuko dute. Egitarau zabala izango dute, eta eguerdian omenaldia egin diete Xabier Mendiguren Bereziartu Kontseiluko idazkari ohiari eta Iñaki Arregi Uemako koordinatzaile izandakoari ere -hau aste honetan hil da-.
Uemari buruzko mahai-ingurua egin dute bazkal aurretik. Bazkariaren ostean kantu saioa, ipuin kontalariak eta dantzaldia izango dira. 23:00etan, Erlazi eta Damu Dot taldeen kontzertuak.
Festa giroan gaurko hizkuntz politika arautzen duten esparru juridikoak "elebitasun egoera faltsua" dakarrela salatu dute.
Gune euskaldunetan euskararen erabilera arlo sozial guztietara zabaltzea eta udal euskaldun guztiekin euskara nagusi izango den lur gunea antolatzea da mankomunitatearen helburua. "Udalerri euskaldunen eginkizuna garrantzi handikoa da euskararen normalizazio prozesuan". 1991n sortu zuen Uema, eta gaur egun 50 bat udal hartzen ditu.
euskara
Xabier Mendiguren eta Iñaki Arregi omendu ditu Uemak
Udalerri Euskaldunen Mankomunitatearen eguna ari dira ospatzen gaur Mallabian.
Iruzkinak
Ez dago iruzkinik
Ordenatu
