Xabier Sagardoi euskal presoa aske gelditu da. Iruñeko espetxea utzi du gaur, sei urteko zigorra bete ondoren.
Sagardoiri Segiko kide izatea leporatu zioten, eta beste hainbat gazterekin batera zigortu zuten espetxean sartzera. Kondenak mobilizazioak eragin zituen. 2013an, herri harresi bat altxatu zuten Iruñean, epaiaren kontra.
Espainiako Espetxeetako Instituzioek hirugarren gradua onartu zioten Sagardoi EPPK-ko kideari, joan den otsailean; eta, martxoan, Iruñeko espetxera lekualdatu zuten.