Zigor Garro presoari buruzko deliberoa, azaroaren 21ean

MONT-DE-MARSAN. Zigorrak Ezartzeko Parisko Dei Auzitegiak atzo izan zuen Zigor Garro presoa baldintzapean aske uzteari buruzko auzi saioa, eta azaroaren 21ean emango du horri buruzko deliberoa. 2006an atzeman zuten Garro, ETArekin lotuta, eta Mont-de-Marsanen (Okzitania) dago preso, iazko otsailetik. 2020ko udaberrian du kondena amaiera, eta, aske uzteko eskea onartuz gero, Frantziak Hegoaldeko preso bati emandako lehena litzateke.