Zigor Merodio Larraona euskal presoa (EPPK) aske geratu da gaur, hamahiru urtean espetxean egon ostean. Iazko urritik Mont-de-Marsango kartzelan (Okzitania) zegoen, Frantziako Gobernuak hurbildu zuenetik. Aurretik, Fresnes eta Saint Martin de Re espetxeetan eduki zuten, seina urtez. Bilbokoa da Merodio (1974).
2006ko ekainaren 1ean atzeman zuen Frantziako Poliziak, Bordelen, ETAri lotuta zegoelakoan. Egitura logistiko kidea izatea egotzi zioten.
38 euskal preso daude orain Frantziako Estatuan: EPPK-ko 37 eta AEM inguruko bat.
