ZUMALABE GOGORATZEKO JARDUNALDIAK

Hogei urte bete dira Joxemi Zumalabe hil zela, eta hura gogoratzeko jardunaldi batzuk egiten ari dira atzotik Donostian. Atzo, gizarte mugimenduak izan zituzten hizpide mahai inguru batean. Gaur, kapitalismoak dituen alternatibei buruz solastatuko dira. Hizlarien artean izango dira Mertxe Larrañaga eta Iñaki Antiguedad. Bihar, berriz, euskal esparru komunikatiboaren egoera aztertuko dute Lore Agirrek, Iñaki Sotok, Iban Arregik eta Gorka Juliok.