Idazleak protagonista dituen bideoak egiten ditu Euskal Idazleen Elkarteak: 'Zipriztinak'. «Ikusteko, gozatzeko eta partekatzeko sortu ditugu, eta batez ere, idazleen lana ezagutarazteko». Honako honetan Anjel Lertxundi da kontalari.

Neiker zentroko Animalien Osasun Saileko ikerlari Xeider Gerrikagoitia elkarrizketatu du Aitor Cevidanes zientzialariak Ikusgelaren bideo honetan. Batik bat, hegazti migratzaileei buruz galdegin dio, Euskal Herrian haietako askoren bisita izaten baitugu.

«Teknologiaren kuriositate hutsak bultzatuta» egin dute 'Gora bizitza (eta esplorazioko beste zenbait aurrebaldintza)' singlearen bideoa.  Ikasteko erabili dute prozesua: «Sormenaren inguruko gogoeta egin dezagun; ez gaitezen erori teknika aurrerabidearen miresmen hutsean». 

Urte martetar bat, hots, bi urte lurtar igaro dira Mars 2020 misioak Marten lur hartu zuenetik. 'Perseverance' deitutako rover edo robota Marten da orduz geroztik, eta informazio anitz bildu dute planeta gorria hobeki ezagutzeko. Robot horretako pieza batzuk EHUko taldeek diseinatuak dira.

2003ko otsailaren 20an itxi zuten ‘Euskaldunon Egunkaria’. Langile ohiek sentipen gazi-gozoak dituzte: batetik, herritarren erantzun «eskuzabala»; bestetik, erreparazio falta: «Inork ez digu ezer bueltatu».

'Egunkaria'-ren itxiera, BERRIAren sorrera eta herri mugimenduak landu dituzte Errenteriako Orereta ikastolan, Kilometroetako ekintzen barruan. Zortzi orriko egunkari bat osatu dute: 'Egun oro'.

Ehun urte bete dira Howard Carterrek Tutankamonen hilobia aurkitu zuenetik. Eta aurkikuntza horrek goitik behera aldatu zuen egiptologiaren zientzia. Arlo horretan aditua da Karlos Almorza Aranzadiko ikerlaria, eta xehe-xehe azaldu dizkio BERRIAri egiptologiari buruzko bitxikeria eta sekretu guztiak.

Otsailaren 6an bi lurrikara handik astindu zuten Ekialde Hurbila: Kurdistanen, Turkian eta Sirian izaniko lehen dardarak 7,8ko indarra izan zuen, eta bigarrenak, 7,5ekoa. Kurdistanen izan zuten biek epizentroa. Dagoeneko 21.300dik gora dira hildakoak [otsailaren 10eko datuak dira].

Ikusgelak bideo berri bat plazaratu du: 'Mariasun Landa eta XX. mendeko haur eta gazte literatura'. Bertan diotenez, Mariasun Landa (Errenteria, Gipuzkoa, 1949) idazlearen lana inflexio puntu bat da euskarazko Haur eta Gazte literaturan. «Ikuspegi eta estilo berriak ekarri zituen, bide berri bat zabalduz».