2018an Zalduako aztarnategian agertutakoaren ia berdina da, eta Ipar Euskal Herrian halakorik aurkitzen den lehen aldia. Aranzadiren arabera, aurkikuntzak argi azaleratzen du Pirinioen bi aldeen arteko «lotura estua», eta zona horrek Erromatar Inperioko merkataritza sarearekin zeukan harremanaren erakusle ere bada.

Ikastetxe erlijiosoetako sexu abusuen testigantzak harilkatuta ondu du Iratxe Perez Barandalla zuzendari lizarratarrak 'Todos lo sabían' (Denek zekiten) dokumentala.

Beren burua hil dutenen senideen elkartea da Besarkada. Helduleku bat eskaini nahi die beren buruaz bertze egin dutenen senideei eta lagunei, eta suizidioak prebenitzen lagundu, sufritzen ari direnentzat toki seguru bat izanda. Elena Aisa da presidentea (Iruñea, 1961).

Nafarroako PAI programako D ereduko ikastetxeek ordubete gehiago eman beharko dute ingelesez. Ezarri berri duten neurri hori kritikatu du Ion Orzaiz kazetariak bere analisian. Uste du erabaki horrek asko trabatuko duela euskarazko murgiltzea.

Egurrezko eskultura baten gisan irudikatu zuen Olaia Inziartek (Oronoz, Nafarroa, 1999) bere diskoa. Hasteko, ordea, zikinkeria edo hondakin guztia kendu beharko zion eskulturari, «hortik eraiki ahal izateko». Halaxe egin du, eta horregatik deitu dio lan berriari 'Zerrautsa'.

Zubieta eta Iturengo joaldunen erritu arkakikoarekin ekin diote inauteri garaiari. Mendaur mendiaren magaletik ibili dira joareak joaz.

EH Bilduk, PSNk eta Geroa Baik hitzartu dute akordioa. Sinbologia frankista duten arkitektura elementuak eraitsiLurrera bota. nahi dituzte, kupula ezkutatu, eta memoria demokratikoaren zentro bat sortu, Maravillas Lamberto izena hartuko duena.

Euskal Herrian egun zutik den sinbolo frankista esanguratsuena da.

Euskal Herriko txapeldunordea da Estefania Etxebeste Giraldo Estefi harri jasotzailea (Ituren, Nafarroa, 2002). Duela urtebete hasi zen harri jasotzen, eta lehen aldiz parte hartu du lehiaketa horretan.

Antonio Ferrer Molinaren gorpuzkiak Consuelo Ferrer Alcoyk jaso zituen, alabak, Nafarroako Memoriaren institutuaren eskutik.

Tuberkulosiak jota hil zen Ferrer, 1944an.