Santizpiritu zubian hausnarrean nabil: Europako gobernari pornografikoak zein atzamar gordek ditu bultzatu, gehiengo heziaren, dominatuaren eta desjabetuaren hauteskundeetako baiarekin? Sarkozy eta Berlusconi darabilzkit buruan. Biek egitura matxista-neoliberala jarri dute martxan, bata agerroiki ezkontzen zela Carla zurbilarekin eta bestea rubygate aferan leporaino itoa dabilala. Berlusconik erran zuen nahiago zituela emazte ederrak txirikordatu gay izan baino, Mussolinik ahoak beteka zioena errepikatuz: Italian egiazko gizonak baizik ez dira. Nehork ez al dio Pier Paolo Pasolini zenari iritzia eskatuko?
Duela hiru hamarkada, ezkerrak oraindik indartsuak zirenean, eskuineko ultra taldeek gerra sekretua hasi zuten ongi-izate estatuaren aurka. Olde beltza azken urteotan irabazle dabil Frantzian eta bereziki Italian. Parlamentua anestesiatua da eta boterea presidente omnipotenteen esku, jendaldeak eskandalu sexualez, politikoz eta obsekiositate populistez lobotomizatzen dituztela. Medien bilketarekin guztiek salda likits berdina irensten dugu. Dena aurretik planifikatua zen gu ohartu gabean. Logia P2ko Licio Gelli entzun dut horretaz harroki mintzo ARTE katean.
Sexus et circencis.
Bira
Sex mex
Iruzkinak
Ez dago iruzkinik
Ordenatu
