Berazaoko industriagunean arriskua

Oñatiko Berezao auzoan bizi naiz, eta eskaera bat badaukat: ni etxera iritsi ahal izateko, Arantzazu kaletik Berezao industriagunerainoko espaloi egokitu bat egin beharra dago. Hortik egunean 4.000 pertsona dabiltzalako, Natrako langileak tartean. Badakigu denok obra garestia dela, baina egin egin beharra dago, oso arriskutsua baita ezinduentzat. Espaloian bi pertsona gurutzatu ahal izateko, bietako batek errepidera atera behar du, eta trafiko astuna dabil errepide horietan. Horregatik, Berazaoko auzotarren izenean, eskaera hau publikatzeko beharra sentitu dut. Eskaera honek Gipuzkoako Foru Aldundiko Gizarte Politiketako diputatuaren babesa ere badu.