Martxa ederra gurea!

Maiatzaren 13ko BERRIAn, notizia batzuk irakurri nituen euskal kantagintzarekin lotuak:

- Mikel Laboa katedrak, abeslari handiaren figura eta gaurko euskal abeslarien jarduna bultzatzeko sortutako erakundeak, Shakespeare-Infernu horiek disko-liburua plazaratuko du aurki. Euskal kulturako hainbat egilek idazle ingelesaren sonetoak errezitatuko dituzte.

- Beste orri batean, hau: ETBk, besteak beste, euskal kultura bultzatzeko xede geuk sorturiko telebistak, Izarrak kalean kantu saioa martxan jarriko du.

- Donostia 2016k antolatua, Olatu Talkan ehun kontzertu izango dira datozen egunotan. Parte hartzaile guztiak amateurrak izango dira.

Euskal abeslari eta musikari profesional gehien-gehienak langabezian dauden bitartean, Laboa Katedra, EITB, eta Donostia 2016 aski entretenituak dabiltza. Martxa ederra gurea!