Trebiñun ere euskaldunak dira

Igandean, ekainak 17, argi eta garbi geratu da: Araba Euskaraz jaia Burgosen egin da. Ikastolen jaia ez da Euskadin gertatu, ez Nafarroan, ez Iparraldean, Gaztela eta Leon autonomia erkidegoan baizik, Burgos probintzian, Trebiñu barrendegian, Argantzun udalerrian baino, hau da, Euskal Herrian. Aspaldian «Trebiñu Araba da!» oihu egiten zuten guztiek, baina ez dirudi politikariak behar den bezala arduratzen direnik.

Barrendegi horretako burgostar haurreriak bere hizkuntza, gure hizkuntza, euskara ezagutu eta erabili nahi du, besteak bezalako euskaldunak dira eta.

Baina askoz laguntza handiagoa behar dute beste euskaldunengandik. Bere euskalduntasuna zaintzeko eta sustatzeko laguntzarik ez zaie beraien probintziatik etorriko, edo beraien autonomia erkidegotik edo estatutik.

Euskal Herri osoa kontzientziatu behar da; euskaldun askok ezdaki trebiñarrak ere euskaldunak direla.