Nagusitasun osoz berriro ere

Kontxako Bandera epaile zorrotza izan da beste behin ere, eta asteburu honek ez du interpretazio handirik behar. Orio eta Arraun Lagunak izan dira nagusi, baina bakoitzak bere modura erakutsi du nagusitasuna.

Gizonezkoetan, Oriok ez dio Donostiarrari aukerarik eman. Lehen jardunaldiak lehia estuagoa izan bazuen ere, bigarrenak zalantza guztiak uxatu ditu. Oriok erritmoa estutu, aldea handitu eta 16,96 segundoko tartearekin amaitu du. Kontxan, ia hamazazpi segundo ez dira garaipeneko marra baten gorabehera: hierarkia baten erakusgarri dira. Donostiarra txukun aritu da, baina ezin izan dio Orioren indarrari erantzun. Etxeko trainerua ondo lehiatu da bandera eskuratzeko, baina amaieran Orioren nagusitasuna onartu besterik ezin izan du egin.

Emakumezkoetan, berriz, Arraun Lagunak beste maila batean dagoela dirudi. Laugarren Kontxa jarraian, bosgarrena palmaresean, eta denboraldi bikain bati azken kolpea. Aurkariek tartea murrizteko uneak izan dituzte, baina donostiarrek ez dute kontrola galdu. Presioa iritsitakoan, ez dira kikildu; alderantziz, lasaitasunez eta sendotasunez kudeatu dute estropada.

Horixe da asteburu honetako ondorio nagusia: ez dira bi garaipen soilik izan, bi nagusitasun erakustaldi baizik. Oriok gizonezkoen mailan erreferente izaten jarraitzen du, eta Arraun Lagunak emakumezkoetan hegemonia sendotzen ari da. Kontxak, beste behin, denei beren tokia erakutsi die.