Futbola

Bertan behera geratu dira Espainiako Kopako gaurko partidak, tren istripu larria dela eta

Tartean dira euskal taldeak jokatzekoak zirenak: Anaitasuna-Alaves, Peña Sport-Huesca, Pamplona-Eibar, Portugalete-Real Union, Amorebieta-Logroñes, eta Reus-Barakaldo.

Pablo Ibañez Alaveseko jokalaria baloia jaurtitzeko prest, pasa den ostiralean, Malagaren aurkako partidan. JAIZKI FONTANEDA / FOKU
Pablo Ibañez Alaveseko jokalaria baloia jaurtitzeko prest, joan den ostiralean, Malagaren aurkako partidan. JAIZKI FONTANEDA / FOKU
ainara arratibel gascon
2026ko urriaren 28a
13:35
Entzun 00:00:00 00:00:00

Gaur goizean Espainia erdialdian, Urdan (Gaztela-Mantxan), izandako tren istripu larriaren ondorioz, Espainiako Futbol Federazioak bertan behera utzi ditu gaur jokatzekoak ziren Kopako partidak. Tartean dira euskal taldeak jokatzekoak zirenak, hauek hain zuzen: Anaitasuna-Alaves, Peña Sport-Huesca, Pamplona-Eibar, Portugalete-Real Union, Amorebieta-Logroñes, eta Reus-Barakaldo.

Federazioak «doluminak eta babesa» azaldu die hildakoen senide eta gertukoei, eta iragarri du neurketa horiek noiz jokatuko diren. Bihar ariko da Peña Sport, 18:00etan. Pamplona-Eibar eta Anaitasuna-Alaves hurrengo asteartean lehiatuko dira, 19:00etan. Eta hurrengo egunean, asteazkenean, jokatuko dituzte partida hauek: Portugalete-Real Union, Amorebieta-Logroñes eta Reus-Barakaldo, 20:00etan.

Bestalde, Athleticek eta Osasunak bihar jokatuko dute Kopako lehen kanporaketa. Etxetik kanpo ariko dira biak. Gorritxoek Calatayud izango dute aurkari (19:00), eta zuri-gorriek AE Prat (21:00). Federazioak baieztatu du bihar jokatuko direla partida horiek. 

Horrez gain, Realak Europa Kopako final-zortzirenetako joaneko partida jokatuko du gaur, Turkiako Fenerbahce taldearen kontra. Txuri-urdinek Zubietan jokatuko dute (19:00, ETB1). Txapelketa hori UEFAk antolatutakoa da, eta ez dute atzeratu. 

Kazetaritza etikoaren arabera sortua

Nola bermatzen dugun edukien kalitatea

Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Zure babes ekonomikoari esker egiten dugu kazetaritza konprometitua. BABESTU BERRIA