Surne Bilbo Basketek bigarrenez jarraian irabazi du FIBAren Europako Kopa, atzo Miribillan PAOK Tesalonika taldeari nagusitu ostean. Bada, unean uneko ospakizunen ostean, gaur izango dute aukera garaikurra zale guztiei eskaintzeko, Bilboko udaletxean eta hiribilduko Bizkaiko Foru Jauregian harrera egingo diete eta. Amaia Arregi jarduneko alkateak zorionduko ditu lehendabizi, 18:00etan, udaletxean. Ondoren, Bilbo Basketeko jokalari, entrenatzaile eta ordezkariak balkoira aterako dira bertan daudenen gozamenerako.
Ordubete geroago gauza bera egingo dute foru jauregian. Han, Elixabete Etxanobe ahaldun nagusiak egingo die harrera ohore guztiekin. Eta han ere balkoira aterako dira bertaratutakoei garaikurra erakusteko.
