Donostiarrak ikerketa zabaltzeko eskatu dio TKEri, pegatinen gaiagatik

ARRAUNA. Donostiarrak idatzia aurkeztu dio Traineruen Kluben Elkarteko Diziplina epaileari. Eskatzen dio aurreko asteburuan Galizian gertatu zena argitzeko. Eusko Label ligako estropadak jokatu ziren Aresen eta Boiron, eta Urdaibaik eta Hondarribiak pegatina berezi bat erabili zuten nabigazioan laguntzeko. Donostiako taldeak eskatzen du epaileak ikerketa zabal dezan gaia argitzeko. Horren bitartez argitu nahi du material berezi hor zer den; halakoak erabiltzea TKEren araudiak onartzen duen edo ez; azkenik, lehiakideen berdintasuna bermatu dadin eskatzen du Donostiako taldeak.