Aurrera doa Italiako Giroa. Laugarren etapa jokatu zen atzo, eta Elisa Longo Borghini (Trek) gailendu zen. Lehia estua izan zuen Annemiek van Vleuten (Movistar) liderrarekin etaVeronica Ewersekin (EF). Baina, azkenerako, bizkorrena izan zen Borgo Val di Taroko helmugan. Van Vleutenek lehen postua sendotu du.
Etaparen ibilbidea egokiagoa zen Van Vleutenentzat, aurreko egunetakoarekin alderatuz. Izan ere, hirugarren mailako bi igoera egin ostean amaitu zen. Movistarrek kontrolpean izan zuen lasterketa, eta azken igoeran liderrak erasoa jo zuen. Longo Borghinik eta Ewersek eutsi egin zioten, eta, azkenerako, italiarra gailendu zen. Ane Santesteban (Jayco) seigarren da sailkapen nagusian, 1.39ra.
Elisa Longok irabazi du laugarren etapa
Iruzkinak
Ez dago iruzkinik
Ordenatu
