Gaur amaituko da Italiako Giroa, Olbian (Sardinia), eta, egundoko ezustekoa gertatzen ez bada, Annemiek van Vleutenek (Movistar) laugarrenez irabaziko du proba. Herbeheretarrak 3.56ko ateratzen dio Juliette Labousi (DSM) eta 4.23 Gaia Realiniri (Lidl). Laugarrenez irabazita, Van Vleutenek Anna van der Breggen herrikidearekin berdinduko du. Fabia Luperini italiarra bakarrik izango dute aurretik, bost Girorekin. Ane Santesteban errenteriarra (Jayco), berriz, gutxienez hamargarren postuari eusten saiatuko da gaur.
Atzoko etapak ez zuen ezer aldatu. Kata Blanka Vas hungariarrak (SD Worx) irabazi zuen esprintean, Chloe Dygerten (Canyon) eta Liane Lipperten aurretik (Movistar).
Van Vleutenek dena du alde laugarrenez Giroa irabazteko
Iruzkinak
Ez dago iruzkinik
Ordenatu
