Zabalak eta Oier Etxebarriak jantzi dute Promozio Mailako binakako txapela: 22-8

PILOTA. Javier Zabalak eta Oier Etxebarriak irabazi zuten atzo Promozio Mailako Binakako Txapelketa. Aspeko bikoteak 22-8 hartu zuen mendean Joanes Bakaikoak eta Iker Elizegik osatutako Baikoko bikotea, finalean, Iruñean, Labrit pilotalekuan. Aspekoak nagusi izan ziren, hasi eta buka. Zabalak aurreneko txapela du, eta Etxebarriak, bigarrena. Gaur buruz burukoaren Aspeko atarikoa jokatuko dute Danel Elezkanok eta Dario Gomezek, Logroñon (17:00, ETB1).