Oriok hamazazpi, Bermeok hiru eta Zierbenak bat. Oriok banderen errekorra ezarri zuen atzo Bermeon (Bizkaia), baina gaur Zierbenak eragotzi dio hemezortzigarrena ere astintzea. Dani Perezek prestatutako taldeak denboraldi ederra egin du, sailkapen nagusian bigarren postua eskuratu du, baina orain arte banderarik irabazi gabea zen, eta kendu dute arantza. Amorruz ospatu dute arraunlariek.
Lehen kalea ondo baliatuta, estropada bikaina egin dute bizkaitarrek. Lan erdietara arte parean izan dute Orio, baina estropadaren bigarren erdian tartea zabaltzea lortu dute, azkenerako, hamahiru segundokoa.
Bigarren amaitu du Oriok, hirugarren Bermeok eta laugarren Hondarribiak, lehen txandako garaileak. Getariak, berriz, bosgarren egin du, eta sailkapen nagusiko hirugarren postua galdu du Bermeoren mesedetan.
Orioko arraunlariek euren historiako hirugarren koroa altxatu dute.
Eusko Label Ligako sailkapena
- Orio, 240 punturekin.
- Zierbena, 205ekin.
- Bermeo, 183rekin.
- Getaria, 182rekin.
- Hondarribia, 168rekin.
- Donostiarra, 162rekin.
- Lekittarra, 115ekin.
- Ondarroa, 110ekin.
- Santurtzi, 69rekin.
- San Juan, 67rekin.
- Ares 63rekin (maila galdu du).
- Chapela 53rekin (maila galdu du).
