ETB Bidasoaren ligako partidak ematen hasiko da

Larunbatean bertan, irundarrek Bartzelonaren aurka jokatuko duten lehia ikusi ahalko da Euskal Telebistan.

Bidasoaren eta Bartzelonaren arteko partida bat, otsailean. ANGEL MEDINA / EFE
Bidasoaren eta Bartzelonaren arteko partida bat, otsailean. ANGEL MEDINA / EFE
urtzi urkizu
2026ko azaroaren 19a
05:00
Entzun 00:00:00 00:00:00

EITBk eta Espainiako Asobal eskubaloi ligak hitzarmen bat sinatu dute, eta, horren bitartez, datozen hilabeteetan Bidasoa taldearen partida batzuk emango dituzte ETBn. Hitzarmenak denboraldi honetarako eta 2027-2028ko denboraldirako balio du, baina, oraingoz, soilik Bidasoa taldearen lau partida iragarri dituzte. Horietako lehenengoa etzi emango dute Irungo Artaleku kiroldegitik (Gipuzkoa): Bartzelonaren kontrakoa. Asobal ligako hamargarren jardunaldiko lehia izango da hori. 20:00etan hasiko da. Lehen bederatzi partidak irabazi egin dituzte bi taldeek, eta sailkapenaren lehen tokian dira.

ETBk emango dituen Asobal ligako hurrengo partidak honako hauek izango dira: Bidasoa-Granollers, abenduaren 12an (13. jardunaldia); Bidasoa-Torrelavega, maiatzaren 1ean (26. jardunaldia); eta Bidasoa-Dicorpebal Logroño La Rioja, maiatzaren 22an (27. jardunaldia).

Telebista konbentzionalean ez ezik, ETBren plataforma digitaletan ere ikusi ahalko dira saskibaloi partida horiek.

Bera Bera, Europan

Emakumezkoen eskubaloi partidak ere eman ohi ditu ETBk. Donostiako Bera Bera taldea, kasurako, Europako Ligako multzoen faserako sailkatu da, eta partidetako batzuk ETBn ikusteko aukera izango da.

Urteak dira, halaber, Bidasoaren Europako partidak ETBk ematen dituela.

Kazetaritza etikoaren arabera sortua

Nola bermatzen dugun edukien kalitatea

Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Zure babes ekonomikoari esker egiten dugu kazetaritza konprometitua. BABESTU BERRIA