Agur jendetsua Hasier Etxeberriari, haren jaioterrian

Agur sentitua eskaini zioten atzo Elgoibarren (Gipuzkoa), asteazkenean hil zen Hasier Etxeberria idazle eta kazetari polifazetikoari. Plaza beteta, hainbat lagunek hartu zuten hitza: Eider Rodriguez idazleak, Gorka Arrese editoreak, Sautrela-ko lankide Beñat Sarasolak, ZuZeu atariko Oier Arantzabalek, Martxelo Otamendi BERRIAko zuzendariak, eta Gazteluko (Gipuzkoa) herritarrek. Joxerra Gartziaren testu bat, Bernardo Atxagaren beste bat eta EITBko lankideen izenean idatzitako testua irakurri zituzten; Joseba Sarrionandiaren hitzak ere entzun ziren grabazio batean.