Ainhoa Artetak ez du parte hartuko Euskadiko Orkestraren programan

MUSIKA. Ainhoa Arteta sopranoak ez du parte hartuko Euskadiko Orkestrak datorren astean hasiko duen denboraldiko kontzertu programan. Johannes Brahmsen Requiem alemaniar bat abestu behar zuen abeslariak, baina, orain dela aste batzuk egin zioten ebakuntza bat dela eta, medikuek esan diote oraindik errekuperatu gabe dagoela. Nolanahi ere, soprano bat izendatu bitartean, orkestrak erabaki du programarekin jarraitzea.