'Albert Nobbs'-ek jaso du Sebastiane saria

SARIA. Rodrigo Garciaren Albert Nobbs filma —aktore nagusi Glenn Close Donostia sariaren irabazlea duena— izan da Gehitu Euskal Herriko lesbiana, gay, transexual eta bisexualen elkarteak emandako Sebastiane sariaren irabazlea. Filmak, epaimahaiak azaldu duenez, denok «bizitza bete baterako eskubidea» dugula gogorarazten du. Filmaren zuzeneko ordezkaririk ez zenez Donostian, 80 egunean filmeko ordezkariek —sariaren iazko irabazleek— jaso zuten saria Jose Luis Rebordinos Zinemaldiko zuzendariaren eskutik.