arima soul
'Gaua'
Diskoetxea: Subterfuge Records.
Dantzarako gonbit berri honetan nabaria da lehen diskoko ikuspegia oraindik gehiago hedatu dutela: batetik, kantu guziei norabide modernoago bat eman diete, eta, bestetik, begien bistakoa da disko-funk estilora gehiago hurbildu direla. Baxua bereziki hedatzailea eta sakona da disko osoan, adibidez lehenengo bi kantu adiktiboetan: Oinatzak boteretsuan eta Ilargira pizgarrian. Kaxa kolpe mekaniko horri Gaua bezalako kantuek gantxo handiko errepika eta disko musika ere gehitzen dizkiote. R & B, Jazz Funka (Despedida), haize sekzioa (The Cherry Boppers-en kolaborazioa Zentzuz eta Denbora-n) ere ez dira falta, eta azken sorpresa moduan, pianoarekin egindako balada dotore bat: Arrakala. Zorionak ere berezia eta argitsua da. DJ Makalak eta Lidia Insausti abeslariak gure eszena azalberritzen duen proiektu sendoa eraiki dute.
