«Arteari dagokionez, Odon Elorza alkate ezin txarragoa izan da»

Erakusketari buruzkoekin beharrean, bestelako gogoetekin hasi zuen Sistiagak atzoko agerraldia. «Ahaztu aurretik, gauza bat esan nahi dut: oso pozik nago Donostiako alkateak dimititu duelako edo bota dutelako, arteari dagokionez pertsona erabat negatiboa eta ezin txarragoa izan delako». Caro Baroja plazako lurra «suntsitzearen arduradun» egin zuen Odon Elorza, «ez niri eta ez inori kontsultatu gabe gainera». Eta adibide gehiago jarri zituen Elorzaren kultur kudeaketa kritikatzeko. Udal gobernu berriak «herri adierazpena» terminoa ongi ulertzea komeni dela dio. «Beti esan dut artea ez dela herriarentzat, baizik herritik sortzen dela. Herria dinamikoa bada, obrak bertatik ateratzen dira, herria osatzen duten pertsonengandik».