Alejandro Gonzalez Iñarritu zinema zuzendari mexikarraren Babel filmak jaso du bart film onenarentzako Urrezko Globoa; funtsean, sari nagusia. Hala ere, zazpi arlotan zegoen izendatua Babel eta hori bakarrik irabazi du.
Horregatik, Helen Mirren aktorea izan da Urrezko Globoen sariketan irabazle handietako bat, bi Urrezko Globo eskuratu baititu: bat filmetako emakumezko aktore onenarentzat The Queen-en egindako lanagatik; bestea, telesaileko emakumezko aktore onenarentzat Elizabeht I-en antzestutakoagatik. Filmetako gizonezko aktore onenaren saria Forest Whitakerrek jaso du The last king of Sctoland filman Idi Amin diktadorearen rola jokatzeagatik.
Martin Scorsese zinema zuzendari ospetsua izan da beste garaileetako bat, zuzendari onenarentzako Urrezko Globoa berari eman baitiote.
Zinema
'Babel' irabazle Urrezko Globoetan
Hollywoodeko Atzerriko Prentsaren Elkarteak ematen ditu sari horiek, eta zinema eta telebista arloan ospetsuenetakoak dira. Helen Mirren aktorea (argazkian) eta Martin Scorsese zuzendaria dira saritu dituzten beste batzuk.
Iruzkinak
Ez dago iruzkinik
Ordenatu
