Banatu dute Manuel Lekuona saria

Enkarni Genua (Donostia, 1942) antzerki sortzaile, idazle eta kultura dibulgatzailearen eskuetan da dagoeneko Manuel Lekuona saria. Atzo egin zuten sari banaketa, Donostiako Udalbatza aretoan. Eusko Ikaskuntzak banatzen du saria, 1983az geroztik, eta orain arte saritu ez duen sormen esparru bat aitortu nahi izan du aurtengoan, eta Genuaren ekarpenari balioa eman. Elkarteko lehendakari Ana Urkizak eman zion saria.