Bordelen eta Arcachonen joko du EOSek asteon

MUSIKA. Euskadiko Orkestra Sinfonikoak bi kontzertu emango ditu Frantzian, Bordele-Akitaniako Orkestra Nazionalarekin egindako trukearen ondorioz. Gaur Bordeleko Kirol Jauregian joko du, eta bihar Arcachongo Olympia antzokian. Michal Nesterowiczen zuzendaritzapean, Lutoslawski, Wieniawski eta Dvoraken obrak interpretatuko ditu. Luis Esnaola biolin jotzailea izango da bakarlaria.