CATHERINE DENEUVE IRITSI DA AZKENEAN

«Arrazoi pertsonalak»argudiatuta birritan atzeratua zuen bidaia, eta inork ez zekien ziur noiz iritsiko zen. Baina, azkenean, atzo heldu zen Catherine Deneuve Donostiara. Frantziako zinemaren diva bere aurkitzailearen lanak aurkeztera etorri da. Jacques Demy zinemagileari atzera begirakoa eskaini dio Donostiako 59. Zinemaldiak, eta zuzendariaren pelikularik ezagunenetan —Les parapluies de Cherbourg (1963) lanari esker egin zen ezagun, esaterako— aritu zen Deneuve.