Curio Curio

Alemanian finkatutako Luiza Monteiro abeslari eta aktore brasildarrak zuzendutako egitasmoa da Curio Curio. Antza, Luiza herrimina arintzeko abiatu zen kantuok idaztera. Horretarako, Dustin Braun ekoizle alemaniarraren laguntza izan du, eta emaitza zoragarria da. Udan gehien entzun dudan diskoa izateaz gainera, Brasilgo herri musikari eginiko omenaldi koloretsua ere bada. Monteiroren ahotsa eztia bezain ahaltsua da, eta Braunen sintetizadoreek kutsu dantzagarri eta espaziala haizatzen dute. Jazz tankerako giroetarako eta paisaia lasaietarako lekua ere badago disko liluragarri honetan. Aproposa udazken eguzkitsu honetarako.