Durangaldea garaile Bertsolari Gazteen 30. BBK sariketako hirugarren saioan

BERTSOLARITZA. Bertsolari Gazteen 30. sariketaren barruan, Durangaldea eta Busturialdea aritu ziren kantuan atzo, txapelketako hirugarren saioan, Bilboko Urretxindorra ikastolan, eta Durangaldea atera zen garaile (Maddi Aurtenetxe, Keimene Abaitua, Ixone Asategi, Irune Basagoiti, Ander Elorriaga eta Igor Galartza). Bihar, Uribe Butroe eta Enkarterri-Ezkerraldea ariko dira bertsotan, Mungian. Eta, beste bi saioren ondotik, abenduaren 1ean jokatuko da finala, Bilbon.