Espainiako Sari Nazionala jaso du Agusti Villarongak

Donostiako Zinemaldia Espainiako Sari Nazionalaren banaketa ekitaldia egiteko baliatzen du Espainiako Akademiak. Agusti Villaronga zuzendari katalanak jaso zuen atzo, San Telmo museoan. Harrituta dagoela esan zuen. «Neure burua ez dut sekula instituzionaltzat hartu, ezta orain ere», adierazi zuen Pa negre filmeko zuzendariak.